929

自從買左部ps3之後都好小再玩wii。wii 黎講一路都等緊 biohazard 新作 Biohazard: Umbrella Chronicles既推出。上個禮拜無意中見到wii 出左隻ghost squad，睇個名仲以為係ghost recon果類。後來先知原來係移植自 sega街機既射擊大作。二話不說即刻整隻番黎玩下。

唔玩由自可，一玩真係停唔到手。又有得升level，升完level又會多左d槍同衫比你選擇。平時街機mode可以2 play， 而party mode又可以4 play。玩上手感覺異常爽快，耐玩度甚高之作！

其實wii出呢d 第一身shooting game真係幾好，又配合番部機既功能。希望佢會出埋virtual cop等既經典作品。

p.s. 同水著兵團玩果時要得到最佳享受，當然要用埋以下物品啦。

碰上了她在寂寞狂雷雨夜 愛上了她魅力高速的放射
接上了她電力在無形拉扯 跳上了她像電光的汽車

前幾晚玩緊guildwars，無無聊聊又係到farming。突然之間唔知點解諗起 electric girl呢首歌。無奈又無cd係手，唯有上youtube搵下又比我搵到。一聽之下睇埋個mv直頭上晒身咁，成晚玩左幾耐聽/睇足咁耐。

隻歌果時都算幾hit。個mv家下睇番係老土，制作係cheap，女model係唔靚，張立基係唔靚仔。不過我覺得 張立基跳舞跳得夠自然，家下睇番個mv都覺得好開心好過癮。

其實張立基其他歌好似 盼你此刻奔向我，i like it，震撼，一切都為愛等等我都幾鐘意聽。家下佢去左邊？傳媒報導過話佢short左。咁到底係真定佢只不過又成為傳媒暴力既犧牲者呢？我真係唔知，不過如果香港今時今日想搵番個好似佢咁既歌手就真係無啦。

下次唱k又多隻舊歌唱，至於我最鐘意唱邊隻舊歌呢？有機會再講。

p.s. 睇番 張立基個樣其實佢同日本組合 smap個 草彅剛都有幾分相似，嘿嘿。

其實一向都想搵個地方打下自己感受，叫做發洩下咁。但一路都無做，點解呢？

1. 中文程度有限，要我打番d 無咁口語化既中文文章都幾難。

2. 如果呢d文章出係迷離公路會攪到好似唔之點咁。一黎果邊集中講既都係靈異怪事，自己touchwood都叫做無咁多呢方面既經驗。二黎果邊又多國內台灣既朋友黎，太口語化好似唔係幾好。

3. 唔知你地知唔知，其實攪blog都有錢搵。咁如果攪個新blog，商唔商業化好呢？

思前想後，攪咁多野諗咁多倒不如回歸原點簡簡單單就算啦。無廣告，唔玩plugin，唔玩seo，鐘意打咩就打咩，鐘意點打就點打。最緊要好玩，夠自由！我諗呢個其實都係寫blog既原意，只不過係眼中得個錢字唔記得左。

希望今次可以有番寫blog 應有既感覺，同埋做到無終點無限制啦。

通常第一個post 都會係關於呢個blog既野。例如點解無啦啦開個咁既blog， 又或者個blog名點黎等等。自己就有個習慣create完個blog就多數求其出個post睇下係咪運作正常，之後就會跟手delete番。

之於今次點解第一個post個topic好似好古怪咁呢？因為我發現電腦個timer原來行快左好多而屋企其他鐘既時間又唔啱， 突然醒起其實可以令部電腦同香港天文台個時間同步。二話不說即刻攪番掂，嘿嘿。

如果你都有同樣問題又唔想下下手動可以跟以下方法set番佢:

視窗XP用戶校對電腦時鐘

視窗XP用戶可利用附設在作業系統內的時間同步設施校對電腦時鐘。若要將你的電腦時鐘與天文台的時間伺服器同步校對，請按照以下步驟進行:

1. 在「控制台」內開擧「日期和時間」;
2. 選取「網際網絡時間」;
3. 在「伺服器」空格欄內，鍵入天文台的時間伺服器名稱 “stdtime.gov.hk”;
4. 要校對電腦時鐘，按「立即更新」鍵。

請注意： 你需要選取「自動與網際網絡時間伺服器同步化」的空格，「立即更新」鍵才能運作。

咁就打完第一個post。又可以用黎測試，二來都叫做有d 教學用途。唔錯。

不過打完後又好似有問題，唔知應該點分類呢篇文章好呢？算啦，都係求其入住一個cat先反正都唔會有太多人黎睇。