929

好耐都無玩過nds，最後勁玩既game應該係mario kart。果時成班同事一齊玩mario kart真係經典。近日經老友介紹隻puzzle quest，玩玩下都幾好玩。當時心想係幾好玩不過衰在出係psp到(我無psp)。上週五gathering時又有機會係個friend部psp度再玩此game先知道原來nds都有出過，二話不說即刻搵隻番黎玩！

玩法上nds同psp都無咩分別，當然psp會出得靚d。

Read the rest of this entry »

好耐無行過山，印象中差唔多有兩年未行過。今日終於重出江湖，一行8人一早就出發去左位於西貢郊野公園既目的地-赤徑。

Read the rest of this entry »

相信唔小三字頭既機迷都係由細打街霸(street fighter系列)打到大。要講呢隻game真係打多幾版字都打唔晒。如果當初capcom無出呢隻game我諗好多game都唔會出現，由其係格鬥game。所以street fighter簡直係經典。但其實仲有一樣野關於street fighter係更經典既，睇過去你就知ka啦。

就係上面呢幾條友令到萬千機迷瘋狂！唔知幾多機迷為左同泰王決一高下攪到學都唔番！亦都有唔小人係機埔由係隻game入面同人相打(挑機)結果攪到變左真人格鬥！另外，睇番上面張相就知其實主角ryu 係紅色頭髮既，唔知點解去到street fighter 2果時又變番黑色？

上文講過有d野比起隻game更加經典既，其實就係指當時有兩個傳聞。第一個就係可以用”升龍拳”係美國打mike果到拎鑰匙之後去非洲。而另一傳聞就係只要你用技joystick “z”字型咁就可以出到”一陽指”死光！呢兩個簡直係經典中既經典，亦都成為當時最hit既街機urban legend(都市傳聞)。真係配服諗呢兩個傳聞果d朋友！

要再講真係多多都講唔晒，咁次就去住咁多先。最後送番段Street Fighter 4既預告片比大家，期待！

某日放工行188見到有間shop 播緊ps3 隻conan 既demo，以為未出點知跟手望清楚原來隻game都出左有得賣。其實我都知就黎會推出呢隻game，不過就唔知好唔好玩。番到屋企即刻download番個demo黎玩，都ok好玩又夠暴力招式又多(勁似god of war)。

不過主角Conan個造型就唔係跟番好多年前由州長Arnold Schwarzenegger所扮演王者之劍入面果個，反而係原稿作者Howard筆下果個。

玩完demo第二日即刻出去睇下邊到有得買隻game。發現同一個價錢居然有d地方連公仔有d就無，咁最後當然搵個地方係有埋公仔一齊買啦。

隻game都無令我失望，真係比起玄天神劍更似god of war。由其係d一擊必殺counter招(一閃)異常過癮。不過公仔個樣就真係衰到爆，制作完全唔掂。同老麥出品真係差好鬼遠(老麥當然唔係麥當勞啦)。

咁多歌手入面，自己比較鐘意睇 周杰倫d mv。初次接觸周杰倫，無記錯應該係龍捲風。除左龍捲風，其實佢都有唔少好歌既。今次想講講一隻舊歌既mv，呢隻就係開不了口。

一開始就好有”猿人爭霸戰 Planet of the Apes” (套戲一開始無幾耐主角就墮機去到一不知名星球)同星戰feel。跟手影像所見個星球都幾荒涼，到處可見瓦礫滿佈。呢種廢墟+荒涼+twilight 夜色+生還者影像異常拍得有mood (突然又諗起每年維園花市臨天光既景色)。

雖然同隻歌好似無咩關係，但就睇得好舒服。周杰倫 咁多mv入面，我亦都係最鐘意呢個mv。下次再講下其他鐘意既mv。

其實家下好多game都會出晒係xbox 360同埋ps3 到，無他既d 廠都係想搵多d 錢同有個保障暏。如果平均咁睇xbox360 d games就賣得比ps3平好多，分分鐘都有成$100既差別到。 如果你又有兩部機而隻game又出晒係兩個平台到咁就當然會買xbox360版本啦。

但有時d game唔會出晒係兩個platform到既，好似heavenly sword 玄天神劍就係咁啦。

講起呢隻game真係出得唔錯。雖然人地話遊戲時間比較短，大約只有5-6小時到。但如果隻game唔好玩就幾長都死啦。

另外都有部份人拎呢隻game同埋傳說中既god of war去比。我自己就覺得又唔係真係好相似既，要講似既另一隻game(下次再講邊隻)就真係出得幾似。

另外，我幾鐘意呢隻game既場景。睇得出制作方面幾認真。

成隻game我最唔滿意既地方就有時玩玩下會突然”lag”。呢個lag既問題已經唔係第一次出現係ps3 既games到，原因係關個別game事定係部ps3未tune 好呢？暫時我都唔係太清楚。

最後想講講既係呢隻game有行版(即中英文版)，而我買既就正正係行版。買完番黎係坐緊mtr 途中又拎隻game出黎睇下。點知比我睇到game盒後面居然有段咁既野…….

角色演出與演技指導是由參與The Load of the Ring演出的名演員 Andy Serkis 所擔綱。

The Load of the Ring……真係無言。

以下段片就唔係由恐懼鬥室官方人員拍既，而係由其他人自拍。如果有睇開 恐懼鬥室都知以下呢個角色係邊個黎。

Jigsaw Is Dead – Click here for more blooper videos

條友果頭講完套戲入面既經典對白就……..

自己玩card game都玩左好多年，最鐘意玩既都係magic the gathering。知道ps3 將會推出一隻連埋鏡頭既card game “The Eye of Judgment 審判之眼：機神的叛亂” 之後都有d 期待。一方面因為玩法好似幾新鮮，二來又係magic果間廠出。

推出第二日即刻買左番黎玩。唔知係咪之前實在太期待既關係，玩左幾局就無咩興趣再玩。原因如下:

1. 無故事mode，如果1 play只可以一局一局咁同電腦打。
2. 玩法單調，變化上比起mtg實在差好遠。
3. 正版card booster 居然賣到$40？

今次sony 推出呢隻game 最搞笑既地方係外國方面居然發現原來自己影印/打印d card(不論彩色黑白)，都居然認到！

係考慮到自己都唔會再點玩既情況下(點解？因為有呢隻game同埋11月ps3都有幾多勁game推出)，唯有立刻賣番隻game出去。