929

家下唔止windows 可以換theme，好多電玩家用機例如ps3，xbox 360，psp等都可以換theme。今次介紹一個網站可以比你免費download ps3 既themes，呢個就係 PS3 Themes。以下就係一d例子。

下載

下載

你可以係PS3 Themes 到搵到其他現成既themes，同埋一個簡單既教學。如果唔鐘意佢提供既themes而想玩diy既話，此網亦提供免費程式幫你自己整個theme。唔洗幾分鐘就可以幫你部ps3換過一個新themes啦！

當初『門徒』係戲院上影時，自己對呢套電影興趣不大。後來見出左dvd就即管睇下，原來都幾好睇。演員方面除左幾個standard大cast 好似劉德華，吳彥祖，古天樂等仲有好耐都未拍過戲既袁詠儀。另外，身為導演同編劇既 爾冬陞都有份參與演出。

Read the rest of this entry »

今次介紹一套經典漫畫 – 望月峰太郎老師既 『末日』。有d人會將末日同『漂流教室』去作比較，因為兩者都屬於描寫災難性既漫畫。未睇末日之前，自己十分鐘意漂流教室呢套漫畫。『漂流教室』入面描寫主角同其母親之間既感情，作者對未來環境既啟示(如未來到處都見到膠袋等環保問題)都描繪得好震撼。記得果時睇 漂流教室 更加係印象深刻。

Read the rest of this entry »

前日唱k gathering終於收到明sir 既炸彈！嘿嘿，又多個老襯！係到祝一對新人白頭到老，永結同心。送上一隻自己好鐘意既歌， Natalie Cole and Nat King Cole 既 Unforgettable。

另外，當晚仲突然之間好想唱下英文歌。先後唱左 Michael learns to rock 既 That’s Why You Go Away，All 4 One 既 I Swear 同埋 Aerosmith 既 I Don’t Wanna Miss a Thing (基本上都係唱唔到)。都未夠經典，諗住搵埋Gazebo既 I Like Chopin。點知無呢隻歌，最後居然間左alan既 我愛雀班之後同老友記兩條友唱番英文(但又唔係好記得歌詞)！攪笑，嘿嘿~

自己一向都鐘意睇一d 三十至六十年代既黑幫電影，所以幾個月之前當天堂口上影時都有留意呢套戲。加上又有吴宇森做監制，同埋cast都幾好例如有張震、舒淇、劉燁、吳彥祖等好演員參與演出。

Read the rest of this entry »

有日係公司食lunch時就見到前面個同事係到睇緊以下聖矢op 呢段片。相信唔少人都鐘意睇聖矢。記憶中當年聖矢隻op主題曲好似無中文版。估唔到居然有班朋友將隻歌填番廣東歌詞，實在太有創意啦！

其實一早已經想寫篇關於真三國無雙五既文章，無奈一路都無咩時間。因為三紅問題，所以我玩既係ps3版本。講番隻game 基本上都唔洗點 load而且又可以將部份data先抄到harddisk去加快讀碟時間，唔錯。玩左一段時間得出已下既結論:

特色:
- 其實出左咁鬼多集都已經好難再有咩特色可言。可以講既就係今集多左d動作，例如游水，爬梯等等。
- 人物做型方面可以講係比較多人講既point。好多人都覺得今集人設比較奇怪同唔好睇，例如關羽就有唔少人覺得做型一般。但我就覺得都ok，起碼叫做有d突破。好似馬超今集唔洗又係戴住個老虎頭盔先。

優點
- 基於ps3基能比起以往得以大大提昇，今集終於可以清楚見到武將著緊件咩樣既盔甲。
- load 碟時間短。

缺點
- 可用角色多但比較少角色有列傳mode，令到隻game既耐玩度大大減少。
- 打中敵人時感覺比較”飄”，無左之前打人打到彭彭聲。
- 連技系統個人就唔多鐘意，舊果個好似好d。

總結 真三國無雙 五比起 ps2隻 無雙 OROCHI黎講感覺上無咁好玩。其實真三系列黎計已經出得差唔多，真係諗唔到下次仲有咩新要素可以加落去。

前幾日去左imax度睇 beowulf。可能係因為睇果時係全3d，所以都ok好睇。我覺得最衰就係戰鬥場面好似比較少，不過overall個故事都幾好。成套戲我比較鐘意主角老左果part，表達到一代英雄既無奈。而最後打大佬都幾精彩。

相信唔少人睇完 beowulf 之後都會發現首主題曲 “A Hero Comes Home” 幾好聽。有睇電影既朋友都應該記得呢隻歌係套戲入面係出現過兩次。一次係女王唱既慢版，而另一次就係片尾既時候。自己比較鐘意首慢版，所以跟手番到屋企就搵此歌資料。無意中又比我搵到快版既試聽版本，由idina menzel主唱。

試聽

以下為快版 lyrics。

Read the rest of this entry »