929

早過排係戲院上映果時無去睇，家下出左dvd 終於有機會睇番。

講番套戲，『屍城30夜』係改自外國同名漫畫。故事backgound既設定都幾有趣。跟據故事所講係阿拉斯加最北面有一個小鎮，每年冬天都會有一個月既時間係無白日只有黑夜【現實係咪真就唔知】。就係太陽落山之後無幾耐，小鎮就受到一群彊屍所攻擊……..

Read the rest of this entry »

好耐都無聽過咁好聽既主題曲，講緊既係鄭嘉穎所主唱既『最美麗的第七天』。其實由泳兒所唱既呢個版本都唔錯。

瘋癲『神探』一角由杜琪峰愛將劉青雲所扮演。故事方面講述『神探』因有某種能耐可以睇到別人心魔【故事指為鬼】，因而破案無數。但亦都因為佢瘋癲既行為令佢提早退休。原本過緊平靜既生活，直至另一年青幹探安志杰上門要求佢出山幫忙……..

故事結構黎講唔算係有咩大驚喜既位，基本上睇到一半到已經知道兇手係邊個。全片有趣既地方就係睇下『神探』點去查案。本片大主題係【每個人心裡都有鬼】。片中我地可以睇到『神探』一路上都睇到人地心中既鬼。到最後其實佢自己又有無鬼呢？

Read the rest of this entry »

英國雜誌『front』搵黎女模 Vikki Blows 拍左幾張『鬼都喊 4』Devil may cry 4 既宣傳照。睇黎由女性做主角都唔錯，capcom可以考慮一下。

對上一套改遍自 Stephen King 小說既戲『1408』認真唔掂，我睇到一半已經無興趣睇埋落去。今日去戲院睇同樣都係改自Stephen King 小說 『The Mist』 都係五五波心態。估唔到係出奇地好睇。

poster design幾好

故事好簡單，困獸鬥+survival。一群人困係超市面對外來不知名生物，同時又有人因為恐懼作出異常行為令到事情更加惡劣…….

Read the rest of this entry »

金城武飾《諸葛亮》，必定有一番新衝擊。期待！

另外，估唔到預告片尾居然有吳宇森招牌『放白鴒』……

一向以黎陳可辛都係拍一d 現代人愛情故事比較多，好似之前有『風塵三俠』『金枝玉葉』『甜蜜蜜』而近期亦有『如果·愛』等。重來都無諗過原來佢拍古代戰爭片都同樣咁出色，『投名壯』就係一個好好既例子。

『投名壯』原名叫『刺馬』。跟據陳可辛所講其實『投名壯』既意念係來自張徹既『刺馬』同埋吳宇森既『英雄本色』。

基本上全片可以話係無咩冷場。幾場戲如頭兩次『擒賊擒王』戰役，中段 劉德華睇摺子戲以及尾段 李連杰上京等都拍得十分精彩。演員方面水準更加係唔需要多講。另外，亦証明千軍萬馬場面唔一定係外國先拍得好既。

希望更多本地導演可以拍多d好戲，一洗已往八九十年代港產爛片劣風。

又一套預告片就好睇，正片就唔掂既戲。

故事就講主角ian 冰上曲棍球賽慘敗後，番歸途中被一不知名物體所殺。係千鈞一髮之時突然醒番仲發現自己身處一office入面。主角以為係發夢，直至遇到一個神秘人話比佢聽佢今日會再死多次……

故事開頭幾有趣，有d matrix feel。點知去到中段都幾悶。後來雖然有d人物既造型幾有matrix feel(有果隻feel 但樣衰好多)，但都係唔多掂。故事牽強，全片欠缺驚嚇位之外亦都有太多野解釋唔到。