929

好耐都無聽過咁好聽既主題曲，講緊既係鄭嘉穎所主唱既『最美麗的第七天』。其實由泳兒所唱既呢個版本都唔錯。

以下片段係關於 劉德華係成都演唱會時有歌迷因上台送花，而引至被保安打既事件。最後劉德華不理自身安全跳落台去救歌迷，更加同當地保安發生衝突。 當然睇完條片之後，有人話佢係英雄而亦有人話係假既。係真係假我唔知，但對其假既講法我就有以下回應: – 以劉德華今時今日既名氣，洗唔洗攪咁多野？ – 2米咁跳落去有咩差池真係……同埋佢年紀都唔細，洗唔洗咁博？

聽起上黎都幾好聽，雖然唔係新歌都推介下啦。

前日唱k gathering終於收到明sir 既炸彈！嘿嘿，又多個老襯！係到祝一對新人白頭到老，永結同心。送上一隻自己好鐘意既歌， Natalie Cole and Nat King Cole 既 Unforgettable。 另外，當晚仲突然之間好想唱下英文歌。先後唱左 Michael learns to rock 既 That’s Why You Go Away，All 4 One 既 I Swear 同埋 Aerosmith 既 I Don’t Wanna Miss a Thing (基本上都係唱唔到)。都未夠經典，諗住搵埋Gazebo既 I Like Chopin。點知無呢隻歌，最後居然間左alan既 我愛雀班之後同老友記兩條友唱番英文(但又唔係好記得歌詞)！攪笑，嘿嘿~

有日係公司食lunch時就見到前面個同事係到睇緊以下聖矢op 呢段片。相信唔少人都鐘意睇聖矢。記憶中當年聖矢隻op主題曲好似無中文版。估唔到居然有班朋友將隻歌填番廣東歌詞，實在太有創意啦！

相信唔小三字頭既機迷都係由細打街霸(street fighter系列)打到大。要講呢隻game真係打多幾版字都打唔晒。如果當初capcom無出呢隻game我諗好多game都唔會出現，由其係格鬥game。所以street fighter簡直係經典。但其實仲有一樣野關於street fighter係更經典既，睇過去你就知ka啦。 就係上面呢幾條友令到萬千機迷瘋狂！唔知幾多機迷為左同泰王決一高下攪到學都唔番！亦都有唔小人係機埔由係隻game入面同人相打(挑機)結果攪到變左真人格鬥！另外，睇番上面張相就知其實主角ryu 係紅色頭髮既，唔知點解去到street fighter 2果時又變番黑色？ 上文講過有d野比起隻game更加經典既，其實就係指當時有兩個傳聞。第一個就係可以用”升龍拳”係美國打mike果到拎鑰匙之後去非洲。而另一傳聞就係只要你用技joystick “z”字型咁就可以出到”一陽指”死光！呢兩個簡直係經典中既經典，亦都成為當時最hit既街機urban legend(都市傳聞)。真係配服諗呢兩個傳聞果d朋友！ 要再講真係多多都講唔晒，咁次就去住咁多先。最後送番段Street Fighter 4既預告片比大家，期待！

咁多歌手入面，自己比較鐘意睇 周杰倫d mv。初次接觸周杰倫，無記錯應該係龍捲風。除左龍捲風，其實佢都有唔少好歌既。今次想講講一隻舊歌既mv，呢隻就係開不了口。 一開始就好有”猿人爭霸戰 Planet of the Apes” (套戲一開始無幾耐主角就墮機去到一不知名星球)同星戰feel。跟手影像所見個星球都幾荒涼，到處可見瓦礫滿佈。呢種廢墟+荒涼+twilight 夜色+生還者影像異常拍得有mood (突然又諗起每年維園花市臨天光既景色)。 雖然同隻歌好似無咩關係，但就睇得好舒服。周杰倫 咁多mv入面，我亦都係最鐘意呢個mv。下次再講下其他鐘意既mv。

以下段片就唔係由恐懼鬥室官方人員拍既，而係由其他人自拍。如果有睇開 恐懼鬥室都知以下呢個角色係邊個黎。 Jigsaw Is Dead – Click here for more blooper videos 條友果頭講完套戲入面既經典對白就……..