929

這次分享一下另一隻兒時十分喜愛的歌曲─ Pet Shop Boys 的 “Do I have to?”

“Do I have to?”一曲收錄在1995年的第9張大碟”Alternative”內。此曲給我一種浪漫但卻很鬼異的感覺。想不到當時一首很難忘的歌曲，在多年後聽來還是很震撼。
其實除了Queen外，自己亦很喜歡Pet Shop Boys。兒時聽起來很前衛，現在再聽絕對不會覺得過時。有機會再介紹一下其他喜愛的歌曲。

之前很少聽『謝安琪』的歌，大多數都是在karaoke朋友的口中聽到。這次自己就十分喜歡其新碟中的『囍帖街』『十字架 』『17 度』以及『烏托邦 』。

自己很喜歡的一首歌，無論任何時間都是很經典。其實每次聽Cyndi 唱出此歌時，都有一種很平靜而又無奈的感覺。相信是因為一首好歌真的可以觸動聽者心靈吧。
雖然不是Cyndi Lauper 那個版本，Eva Cassidy 亦演繹得不錯。特別是配合smallville 片段感覺十分好，同時看此mv 時想起了不少關於smallville 的回憶。
送給8月頭即將生日的朋友。

聽起上黎都幾好聽，雖然唔係新歌都推介下啦。

前日唱k gathering終於收到明sir 既炸彈！嘿嘿，又多個老襯！係到祝一對新人白頭到老，永結同心。送上一隻自己好鐘意既歌， Natalie Cole and Nat King Cole 既 Unforgettable。

另外，當晚仲突然之間好想唱下英文歌。先後唱左 Michael learns to rock 既 That’s Why You Go Away，All 4 One 既 I Swear 同埋 Aerosmith 既 I Don’t Wanna Miss a Thing (基本上都係唱唔到)。都未夠經典，諗住搵埋Gazebo既 I Like Chopin。點知無呢隻歌，最後居然間左alan既 我愛雀班之後同老友記兩條友唱番英文(但又唔係好記得歌詞)！攪笑，嘿嘿~

有日係公司食lunch時就見到前面個同事係到睇緊以下聖矢op 呢段片。相信唔少人都鐘意睇聖矢。記憶中當年聖矢隻op主題曲好似無中文版。估唔到居然有班朋友將隻歌填番廣東歌詞，實在太有創意啦！

前幾日去左imax度睇 beowulf。可能係因為睇果時係全3d，所以都ok好睇。我覺得最衰就係戰鬥場面好似比較少，不過overall個故事都幾好。成套戲我比較鐘意主角老左果part，表達到一代英雄既無奈。而最後打大佬都幾精彩。

相信唔少人睇完 beowulf 之後都會發現首主題曲 “A Hero Comes Home” 幾好聽。有睇電影既朋友都應該記得呢隻歌係套戲入面係出現過兩次。一次係女王唱既慢版，而另一次就係片尾既時候。自己比較鐘意首慢版，所以跟手番到屋企就搵此歌資料。無意中又比我搵到快版既試聽版本，由idina menzel主唱。
試聽
以下為快版 lyrics。

咁多歌手入面，自己比較鐘意睇 周杰倫d mv。初次接觸周杰倫，無記錯應該係龍捲風。除左龍捲風，其實佢都有唔少好歌既。今次想講講一隻舊歌既mv，呢隻就係開不了口。
一開始就好有”猿人爭霸戰 Planet of the Apes” (套戲一開始無幾耐主角就墮機去到一不知名星球)同星戰feel。跟手影像所見個星球都幾荒涼，到處可見瓦礫滿佈。呢種廢墟+荒涼+twilight 夜色+生還者影像異常拍得有mood (突然又諗起每年維園花市臨天光既景色)。

雖然同隻歌好似無咩關係，但就睇得好舒服。周杰倫 咁多mv入面，我亦都係最鐘意呢個mv。下次再講下其他鐘意既mv。