929

又一套預告片就好睇，正片就唔掂既戲。 故事就講主角ian 冰上曲棍球賽慘敗後，番歸途中被一不知名物體所殺。係千鈞一髮之時突然醒番仲發現自己身處一office入面。主角以為係發夢，直至遇到一個神秘人話比佢聽佢今日會再死多次…… 故事開頭幾有趣，有d matrix feel。點知去到中段都幾悶。後來雖然有d人物既造型幾有matrix feel(有果隻feel 但樣衰好多)，但都係唔多掂。故事牽強，全片欠缺驚嚇位之外亦都有太多野解釋唔到。

今次講講另一套自己覺得好睇既戲 ─『28週後 28 weeks later』。雖然『28週後』係『28日後 28 days later』續集，但如果無睇第一集都無問題因為佢條主線都係講英國virus outbreak一事而主角們都係無關聯既。 第一集講virus令到英國好多人都變成『zombie-like』既生物。第二集講情況收到控制，而部份生環者亦都建起virus-free zone去保護自己。原本以為萬無一失，點知……

上週六終於睇左話題作『末世凶煞 Cloverfield』。未睇之前都知道好多人對呢套既評價好壞參半。有人睇到一半已經離場，有人亦話好睇。我覺得睇戲既野其實都好個人既。不過有一樣野可以肯定就係如果你有睇『死亡習作 Blair Witch Project』都覺得好頭暈既話，我就建議你唔好睇『末世凶煞』。

希夫烈格『Heath Ledger』事業可以話係如日方中。《斷背山》既成功唔再多講，近日亦都有機會係新蝙蝠俠電影內演小丑一角。估唔到一如其他影視巨星，係佢最成功既時候就離開左大家。 《斷背山》男主角澳洲影星希夫烈格前日疑因服藥過量，在紐約公寓暴斃，終年28歲。希夫伯樂李安以一句「他的死令我心碎！」道出失去希夫的傷痛。 他最後完成的遺作是在《蝙蝠俠：黑夜之神》中飾演大奸角「小丑」，他在未完成的作品《The Imaginarium of Doctor Parnassus》中，同樣是飾演小丑，本來他將於《蝙蝠俠》續集繼續扮演小丑，現在電影公司惟有易角或改劇本。 「伯樂」李安前晚剛到東京的李安驚聞噩耗，他雖沒流下男兒淚，卻沉痛不已，他在聲明中說：「他的死令我心碎，與他合作是我人生最快樂時光之一，他把角色的喜怒哀樂演繹得比想像中更好，因他對生命充滿熱愛、熱情和真誠，使大家都會愛上他。」李安亦曾盛讚希夫的演技如年輕時的馬龍白蘭度。 記得初次接觸到呢位演員既演出唔係《斷背山》，反而係多年前既《狂野武士》『A Knight’s Tale』 。《狂野武士》既演出印象深刻，電影本身亦都好睇。其實希夫自出道以黎都係一直演出小角色，直至遇到《米路吉遜》先開始真正開始步入成功之路。對於佢既死只感到無奈同可惜。 係期待「小丑」最後演出既同時，本人亦都推介《狂野武士》！

正所謂13不祥，睇到片名叫『The Thirteen Floor』你又會聯想到d咩呢？鬼片？恐怖片？如果望埋下面張poster，你就知道其實呢套係一套科幻片。

當初『門徒』係戲院上影時，自己對呢套電影興趣不大。後來見出左dvd就即管睇下，原來都幾好睇。演員方面除左幾個standard大cast 好似劉德華，吳彥祖，古天樂等仲有好耐都未拍過戲既袁詠儀。另外，身為導演同編劇既 爾冬陞都有份參與演出。

自己一向都鐘意睇一d 三十至六十年代既黑幫電影，所以幾個月之前當天堂口上影時都有留意呢套戲。加上又有吴宇森做監制，同埋cast都幾好例如有張震、舒淇、劉燁、吳彥祖等好演員參與演出。

前幾日去左imax度睇 beowulf。可能係因為睇果時係全3d，所以都ok好睇。我覺得最衰就係戰鬥場面好似比較少，不過overall個故事都幾好。成套戲我比較鐘意主角老左果part，表達到一代英雄既無奈。而最後打大佬都幾精彩。 相信唔少人睇完 beowulf 之後都會發現首主題曲 “A Hero Comes Home” 幾好聽。有睇電影既朋友都應該記得呢隻歌係套戲入面係出現過兩次。一次係女王唱既慢版，而另一次就係片尾既時候。自己比較鐘意首慢版，所以跟手番到屋企就搵此歌資料。無意中又比我搵到快版既試聽版本，由idina menzel主唱。 試聽 以下為快版 lyrics。