929

一向都有睇開外國劇集既習慣，今次就講下一套我覺得都幾有趣既英國科幻劇集『Primeval』。

相隔十幾年，千呼萬喚既『奪寶奇兵 第4集 Indiana Jones and the Kingdom of the Crystal Skull』即將會係五月上映。

今次講 Hitman 但唔係講隻game，而係講套戲。 Hitman 本身係一隻動作遊戲，玩家扮演代號47既殺手去執行各種暗殺任務。因為深受玩家歡迎既關係 Hitman 先後係不同既遊戲平台都出過幾集。 亦都係呢個原因吸引到電影商改拍成電影。

早過排係戲院上映果時無去睇，家下出左dvd 終於有機會睇番。 講番套戲，『屍城30夜』係改自外國同名漫畫。故事backgound既設定都幾有趣。跟據故事所講係阿拉斯加最北面有一個小鎮，每年冬天都會有一個月既時間係無白日只有黑夜【現實係咪真就唔知】。就係太陽落山之後無幾耐，小鎮就受到一群彊屍所攻擊……..

瘋癲『神探』一角由杜琪峰愛將劉青雲所扮演。故事方面講述『神探』因有某種能耐可以睇到別人心魔【故事指為鬼】，因而破案無數。但亦都因為佢瘋癲既行為令佢提早退休。原本過緊平靜既生活，直至另一年青幹探安志杰上門要求佢出山幫忙…….. 故事結構黎講唔算係有咩大驚喜既位，基本上睇到一半到已經知道兇手係邊個。全片有趣既地方就係睇下『神探』點去查案。本片大主題係【每個人心裡都有鬼】。片中我地可以睇到『神探』一路上都睇到人地心中既鬼。到最後其實佢自己又有無鬼呢？

對上一套改遍自 Stephen King 小說既戲『1408』認真唔掂，我睇到一半已經無興趣睇埋落去。今日去戲院睇同樣都係改自Stephen King 小說 『The Mist』 都係五五波心態。估唔到係出奇地好睇。 poster design幾好 故事好簡單，困獸鬥+survival。一群人困係超市面對外來不知名生物，同時又有人因為恐懼作出異常行為令到事情更加惡劣…….

金城武飾《諸葛亮》，必定有一番新衝擊。期待！ 另外，估唔到預告片尾居然有吳宇森招牌『放白鴒』……

一向以黎陳可辛都係拍一d 現代人愛情故事比較多，好似之前有『風塵三俠』『金枝玉葉』『甜蜜蜜』而近期亦有『如果·愛』等。重來都無諗過原來佢拍古代戰爭片都同樣咁出色，『投名壯』就係一個好好既例子。 『投名壯』原名叫『刺馬』。跟據陳可辛所講其實『投名壯』既意念係來自張徹既『刺馬』同埋吳宇森既『英雄本色』。 基本上全片可以話係無咩冷場。幾場戲如頭兩次『擒賊擒王』戰役，中段 劉德華睇摺子戲以及尾段 李連杰上京等都拍得十分精彩。演員方面水準更加係唔需要多講。另外，亦証明千軍萬馬場面唔一定係外國先拍得好既。 希望更多本地導演可以拍多d好戲，一洗已往八九十年代港產爛片劣風。