929

差唔多三個禮拜無出 post，咁究竟攪咩咁忙？ 就係psp 隻monster hunter啦。 其實我之前都有 psp(1.5 ver果期)，不過玩左無幾耐覺得唔多啱玩就賣左出去。早排班friend次次出黎都有玩，加上psp又出左 lite版同埋又近節日有買野 mood所以又買番。 新版lite果然輕左唔少，拎上手玩舒服好多。部機基本上都係玩『mhp2』。上癮程度無需多講，日打夜打已經係在所難免。我覺得買部機番黎淨玩呢隻game都夠。

隻 game之前都想玩，不過美版賣得實在太貴。經朋友幫手行版終於前幾日入手，價錢都算合理。其實 Assassin’s Creed 對於各大遊戲平台黎講都係近期既大作，故此係外國各個 game 評網站如 gamespot 等都得到唔少分數。連呢期紅到爆既美劇 heroes 一班演員都有幫手宣傳就知啦！ 而其中 heroes season2 女演員 Kristen Bell 都有份參與 Assassin’s Creed 制作。

家下唔止windows 可以換theme，好多電玩家用機例如ps3，xbox 360，psp等都可以換theme。今次介紹一個網站可以比你免費download ps3 既themes，呢個就係 PS3 Themes。以下就係一d例子。 下載 下載 你可以係PS3 Themes 到搵到其他現成既themes，同埋一個簡單既教學。如果唔鐘意佢提供既themes而想玩diy既話，此網亦提供免費程式幫你自己整個theme。唔洗幾分鐘就可以幫你部ps3換過一個新themes啦！

其實一早已經想寫篇關於真三國無雙五既文章，無奈一路都無咩時間。因為三紅問題，所以我玩既係ps3版本。講番隻game 基本上都唔洗點 load而且又可以將部份data先抄到harddisk去加快讀碟時間，唔錯。玩左一段時間得出已下既結論: 特色: – 其實出左咁鬼多集都已經好難再有咩特色可言。可以講既就係今集多左d動作，例如游水，爬梯等等。 – 人物做型方面可以講係比較多人講既point。好多人都覺得今集人設比較奇怪同唔好睇，例如關羽就有唔少人覺得做型一般。但我就覺得都ok，起碼叫做有d突破。好似馬超今集唔洗又係戴住個老虎頭盔先。 優點 – 基於ps3基能比起以往得以大大提昇，今集終於可以清楚見到武將著緊件咩樣既盔甲。 – load 碟時間短。 缺點 – 可用角色多但比較少角色有列傳mode，令到隻game既耐玩度大大減少。 – 打中敵人時感覺比較”飄”，無左之前打人打到彭彭聲。 – 連技系統個人就唔多鐘意，舊果個好似好d。 總結 真三國無雙 五比起 ps2隻 無雙 OROCHI黎講感覺上無咁好玩。其實真三系列黎計已經出得差唔多，真係諗唔到下次仲有咩新要素可以加落去。

好耐都無玩過nds，最後勁玩既game應該係mario kart。果時成班同事一齊玩mario kart真係經典。近日經老友介紹隻puzzle quest，玩玩下都幾好玩。當時心想係幾好玩不過衰在出係psp到(我無psp)。上週五gathering時又有機會係個friend部psp度再玩此game先知道原來nds都有出過，二話不說即刻搵隻番黎玩！ 玩法上nds同psp都無咩分別，當然psp會出得靚d。

相信唔小三字頭既機迷都係由細打街霸(street fighter系列)打到大。要講呢隻game真係打多幾版字都打唔晒。如果當初capcom無出呢隻game我諗好多game都唔會出現，由其係格鬥game。所以street fighter簡直係經典。但其實仲有一樣野關於street fighter係更經典既，睇過去你就知ka啦。 就係上面呢幾條友令到萬千機迷瘋狂！唔知幾多機迷為左同泰王決一高下攪到學都唔番！亦都有唔小人係機埔由係隻game入面同人相打(挑機)結果攪到變左真人格鬥！另外，睇番上面張相就知其實主角ryu 係紅色頭髮既，唔知點解去到street fighter 2果時又變番黑色？ 上文講過有d野比起隻game更加經典既，其實就係指當時有兩個傳聞。第一個就係可以用”升龍拳”係美國打mike果到拎鑰匙之後去非洲。而另一傳聞就係只要你用技joystick “z”字型咁就可以出到”一陽指”死光！呢兩個簡直係經典中既經典，亦都成為當時最hit既街機urban legend(都市傳聞)。真係配服諗呢兩個傳聞果d朋友！ 要再講真係多多都講唔晒，咁次就去住咁多先。最後送番段Street Fighter 4既預告片比大家，期待！

某日放工行188見到有間shop 播緊ps3 隻conan 既demo，以為未出點知跟手望清楚原來隻game都出左有得賣。其實我都知就黎會推出呢隻game，不過就唔知好唔好玩。番到屋企即刻download番個demo黎玩，都ok好玩又夠暴力招式又多(勁似god of war)。 不過主角Conan個造型就唔係跟番好多年前由州長Arnold Schwarzenegger所扮演王者之劍入面果個，反而係原稿作者Howard筆下果個。 玩完demo第二日即刻出去睇下邊到有得買隻game。發現同一個價錢居然有d地方連公仔有d就無，咁最後當然搵個地方係有埋公仔一齊買啦。 隻game都無令我失望，真係比起玄天神劍更似god of war。由其係d一擊必殺counter招(一閃)異常過癮。不過公仔個樣就真係衰到爆，制作完全唔掂。同老麥出品真係差好鬼遠(老麥當然唔係麥當勞啦)。

其實家下好多game都會出晒係xbox 360同埋ps3 到，無他既d 廠都係想搵多d 錢同有個保障暏。如果平均咁睇xbox360 d games就賣得比ps3平好多，分分鐘都有成$100既差別到。 如果你又有兩部機而隻game又出晒係兩個平台到咁就當然會買xbox360版本啦。 但有時d game唔會出晒係兩個platform到既，好似heavenly sword 玄天神劍就係咁啦。 講起呢隻game真係出得唔錯。雖然人地話遊戲時間比較短，大約只有5-6小時到。但如果隻game唔好玩就幾長都死啦。 另外都有部份人拎呢隻game同埋傳說中既god of war去比。我自己就覺得又唔係真係好相似既，要講似既另一隻game(下次再講邊隻)就真係出得幾似。 另外，我幾鐘意呢隻game既場景。睇得出制作方面幾認真。 成隻game我最唔滿意既地方就有時玩玩下會突然”lag”。呢個lag既問題已經唔係第一次出現係ps3 既games到，原因係關個別game事定係部ps3未tune 好呢？暫時我都唔係太清楚。 最後想講講既係呢隻game有行版(即中英文版)，而我買既就正正係行版。買完番黎係坐緊mtr 途中又拎隻game出黎睇下。點知比我睇到game盒後面居然有段咁既野……. 角色演出與演技指導是由參與The Load of the Ring演出的名演員 Andy Serkis 所擔綱。 The Load of the Ring……真係無言。