929

某日放工行188見到有間shop 播緊ps3 隻conan 既demo，以為未出點知跟手望清楚原來隻game都出左有得賣。其實我都知就黎會推出呢隻game，不過就唔知好唔好玩。番到屋企即刻download番個demo黎玩，都ok好玩又夠暴力招式又多(勁似god of war)。 不過主角Conan個造型就唔係跟番好多年前由州長Arnold Schwarzenegger所扮演王者之劍入面果個，反而係原稿作者Howard筆下果個。 玩完demo第二日即刻出去睇下邊到有得買隻game。發現同一個價錢居然有d地方連公仔有d就無，咁最後當然搵個地方係有埋公仔一齊買啦。 隻game都無令我失望，真係比起玄天神劍更似god of war。由其係d一擊必殺counter招(一閃)異常過癮。不過公仔個樣就真係衰到爆，制作完全唔掂。同老麥出品真係差好鬼遠(老麥當然唔係麥當勞啦)。

其實家下好多game都會出晒係xbox 360同埋ps3 到，無他既d 廠都係想搵多d 錢同有個保障暏。如果平均咁睇xbox360 d games就賣得比ps3平好多，分分鐘都有成$100既差別到。 如果你又有兩部機而隻game又出晒係兩個平台到咁就當然會買xbox360版本啦。 但有時d game唔會出晒係兩個platform到既，好似heavenly sword 玄天神劍就係咁啦。 講起呢隻game真係出得唔錯。雖然人地話遊戲時間比較短，大約只有5-6小時到。但如果隻game唔好玩就幾長都死啦。 另外都有部份人拎呢隻game同埋傳說中既god of war去比。我自己就覺得又唔係真係好相似既，要講似既另一隻game(下次再講邊隻)就真係出得幾似。 另外，我幾鐘意呢隻game既場景。睇得出制作方面幾認真。 成隻game我最唔滿意既地方就有時玩玩下會突然”lag”。呢個lag既問題已經唔係第一次出現係ps3 既games到，原因係關個別game事定係部ps3未tune 好呢？暫時我都唔係太清楚。 最後想講講既係呢隻game有行版(即中英文版)，而我買既就正正係行版。買完番黎係坐緊mtr 途中又拎隻game出黎睇下。點知比我睇到game盒後面居然有段咁既野……. 角色演出與演技指導是由參與The Load of the Ring演出的名演員 Andy Serkis 所擔綱。 The Load of the Ring……真係無言。

自己玩card game都玩左好多年，最鐘意玩既都係magic the gathering。知道ps3 將會推出一隻連埋鏡頭既card game “The Eye of Judgment 審判之眼：機神的叛亂” 之後都有d 期待。一方面因為玩法好似幾新鮮，二來又係magic果間廠出。 推出第二日即刻買左番黎玩。唔知係咪之前實在太期待既關係，玩左幾局就無咩興趣再玩。原因如下: 1. 無故事mode，如果1 play只可以一局一局咁同電腦打。 2. 玩法單調，變化上比起mtg實在差好遠。 3. 正版card booster 居然賣到$40？ 今次sony 推出呢隻game 最搞笑既地方係外國方面居然發現原來自己影印/打印d card(不論彩色黑白)，都居然認到！ 係考慮到自己都唔會再點玩既情況下(點解？因為有呢隻game同埋11月ps3都有幾多勁game推出)，唯有立刻賣番隻game出去。

自從買左部ps3之後都好小再玩wii。wii 黎講一路都等緊 biohazard 新作 Biohazard: Umbrella Chronicles既推出。上個禮拜無意中見到wii 出左隻ghost squad，睇個名仲以為係ghost recon果類。後來先知原來係移植自 sega街機既射擊大作。二話不說即刻整隻番黎玩下。 唔玩由自可，一玩真係停唔到手。又有得升level，升完level又會多左d槍同衫比你選擇。平時街機mode可以2 play， 而party mode又可以4 play。玩上手感覺異常爽快，耐玩度甚高之作！ 其實wii出呢d 第一身shooting game真係幾好，又配合番部機既功能。希望佢會出埋virtual cop等既經典作品。 p.s. 同水著兵團玩果時要得到最佳享受，當然要用埋以下物品啦。