929

今集有唔少高階武器好似『双龍剣【太極】』『龍弓【天崩】』以及『蒼穹双刃』等，都要用到『老山龍の天鱗』呢樣稀有材料。但往往有時上kai 打，又唔一定搵到人一齊打。有見及此，今次就介紹一套專刷『老山龍の天鱗』既單殺混裝。

要有效獵殺G級老山龍，最好既方法就係『射背』同埋『爆肩』。要『爆肩』鎖死隻怪，就要善用『貫通箭』。另一方面，要刷天鱗呢一類『怨念物』，最好有『激運』啦。用得弓，當然要有埋『集中』去增加攻擊次數。

貫通珠 x 4
短縮珠 x 3

以上混裝就有齊『激運』『集中』同埋『貫通箭強化』。

武器方面都係用番有龍屬既『覇滅弓クーネレラカム』。其實之前自己都試過用『ブルーブレイドボウⅢ』呢把無屬物攻 360既貫通弓。但測試後發覺表現未如理想。反而用番物攻相對較低但有龍屬既『覇滅弓クーネレラカム』，攻擊輸出仲更好。

打G級老山龍同之前都無咩大分別，只係隻怪既攻防高左而已。好似上文所講，都係『射背』『爆肩』打法係最好。

『老山龍の天鱗』入手！