929

其實之前都試過用弓一條友殺左呢隻G級砦蟹『シェンガオレン』，無奈今次又要打多次。何解？因為要upgrade把『封龍槍【六徳】』上『封龍槍【虚空】』，而又缺乏其中一樣材料『砦蟹の剛爪』。要有『砦蟹の剛爪』就一定要達成『部位破壊報酬』爆腳呢個條件，所以決定用雙劍。

打之前當然又要砌套適合既甲先啦。用雙劍打『砦蟹』就一定要有『耐震』，如果唔係真係埋唔到佢身。另外，用得雙劍最好有埋『業物』同『斬味+1』。跟手就砌左下面呢套混甲。其實好多混甲都做到我要既技能，不過呢套個外型比較好同埋唔洗再用任何『匠珠』。

名匠珠x 1
抗震珠x 4

武器方面因為隻砦蟹係怕雷龍屬性，所以我就用『双龍神【黒天白夜】』。當然用其他龍或雷屬既武器都可以啦。

記住拎埋『大強走』同『磨刀石』。雖然我第一次用呢套裝過都無用大強走，但就打得好痛苦。攪掂晒就可以開波啦！

去到呢到都係要等，隻野無咁快到。最好等佢差唔多到先食鬼人，強走等等。

片腳開始！

不過唔想比佢踏中最好企隻腳既後面，即係跟全佢打。而唔係企佢前面打。

龍虎亂舞幾次後，就會見到砦蟹隻腳變成『淺紅』之後隻野就會失平衡。片到一隻腳『淺紅』後，就可以打下一隻。如此類推，直至全部變晒『淺紅』。

跟住再片是但一隻，直至佢隻腳又再次變成『深紅』。一隻變『深紅』後，就打下一隻直至全部變晒『深紅』。

呢個時候每隻再片多一陣，成隻砦蟹就會撻落地同埋全部腳都變番晒原本既色。

唔小心死左次，番黎經過大鐵鑽既時候當然要用一用啦。

我地家下要做既就係再用番以上既『片腳變紅』戰術，直至佢再一次撻低同埋所有腳還原色。

當第二次所有腳都還原色後就差唔多收工啦。

終於有『砦蟹の剛爪』啦，不過居然得一粒……..