929

完成左G級訓練所後，終於都出埋『G級黑龍』。今次黑龍三兄弟其實無咩新招，所以打法同之前都無大分別。三兄弟入面『黑龍』都算幾易打。

武器方面都係用番『霸弓』，不過今次就用其upgrade 版『覇滅弓クーネレラカム』攻312，龍屬 200，會心40%以及如果有『增彈頭』就可以有埋LV3 既『連射5』。用呢把野夠打，爆頭爆眼完全無問題。

黑龍無『紅黑龍』同『祖龍』既『天火天雷』，所以基本上都無咩難度。加上今次仲要有埋新技能『根性』，大大減低之前『秒殺』既機會。

不過如果諗住用『根性』戰術既話，食猫飯就最好唔好食埋加血。因為要發動『根性』，血量必須為65%以上。血少﹝例如100﹞，中招後食番一大回一小回就攪掂。但如果血多﹝150﹞，中招後食血都要食幾次。一黎浪費回血水，二黎食血時間又係長左。

打法無咩特別，三兄弟全程都係佢地腳邊45度射埋去就ok。如果無『高耳』就唔好企正係佢地面前，因為好易中佢大叫後撻落黎果招。熟左個打法就好易打。

如果打黑龍可以利用環境，引佢去閘門度中機關。

混裝方面就推介以下呢套混弓裝，有晒弓手三大實用技能『集中』『根性』同埋『裝填數up』。

基於係活用『胴倍化』裝備既關係，成套甲只須要一粒『壓縮珠』就攪掂。所以話『胴倍化』真係好有用。

暫時黎講呢套甲算係自己最滿意既一套，外型唔錯得黎防亦都可以唔洗點upgrade。