929

近期上XLINK KAI玩都見到唔少人要搵人幫手打HR8上HR9既緊急任務『浮岳龍』。其實『浮岳龍』一d唔難打，睇埋落去你就知。

裝備方面同打『絶影』差唔多，我都係用番上位老山龍甲『暁丸・覇』+ 龍屬長槍『封龍槍』。用得呢套裝備唔洗教都係全程檔+ 插。只要企到最前插佢觸鬚就得。係攻擊狀態之下，你係唔會跌落下面既。所以可以放心插佢。

『浮岳龍』招式以及對策方法：

1. 浮仔有一招上一上天空之後就轉番落黎，人稱『幸福摩天輪』。無盾用既朋友，見到呢招就要即收武器跟手跪低就無事。用老山甲就未必收得徹，唯有檔啦。

2. 平時『浮岳龍』就會用觸鬚攻擊，都係檔就ok無咩特別。

3. 浮仔有時上天空後會唔轉但係就放熱塵，都係檔。不過企最前先會中，企後面就無事既。

4. 浮岳龍亦有時會開口放『雷光虫』。對於用老山甲套裝黎講，對付呢d 『雷光虫』會比較麻煩。不過解決方法好簡單，收起長槍跳落去下面。再上番黎就會無晒d 虫，但呢個方法當然係用係單打果時啦。

5. 最後講到浮岳龍既絕招，吹飛！當你打打下佢果時，佢會突然爬落黎。果時好似就係任你打，不過佢有時會突然開口『吹風』。中者會即時飛上天空同時會無晒血，係佢番到地果時就會當死一次！解決方法有幾個。最簡單檔就ok﹝講緊係防禦+2以及防禦強化﹞，一係就即刻收起武器跳落去。

不過其實佢出絕招既同時，亦都係佢將會受到最大傷害既時間！何解？只要係佢吹緊風既時間，向住佢掉兩粒『麻玉』就會即刻跌落地。唔洗講又係任你打時間啦！

要留意既係所需『麻玉』既數量會增加。第一次兩粒，第二次就三粒如此類推。

6. 累積到某程度既傷害隻野就會跌到半空。果時就可以好似老山龍咁跳背掘野，又或者放炸彈。

跟以上打法再練多幾次，單殺一定無問題。

基本上好易就可儲夠材料造番套『浮岳龍甲』同埋一系列既『龍木』武器，套甲強化完都有六百幾防。

下個post 再講講呢套甲。