929

經過連番惡鬥後，終於趕得切係『mhp2g』 出之前單殺埋傳說中既『祖龍』！

其實之前都打過幾次，都打唔死佢。基本上佢d 招唔難避，打多幾次就應該識『走位』。唯一問題係唔夠攻擊輸出去殺佢。上網取經見好多人都係『霸弓火事+2』戰術。無疑『霸弓火事+2』一定係最快殺佢既方法，但唔用火事又點呢？同埋『猫火事』亦都唔係次次出到。所以我決定用番比較傳統既『霸弓炸彈法』去對付條龍。

『霸弓炸彈法』有一個缺點。如果無『鍊金術』就會面對唔夠炸彈用既情況。要完全發揮到『霸弓炸彈法』既力量，就要用『混裝+ 珠』！

『混裝』

砌左幾副裝都唔係好滿意，最後決定用番封印已久既『猫頭』。『猫頭』一出，炸彈攻擊力即時提高1.5 倍！點解一定要用炸彈？因為『祖龍』受到某程度既傷害後就會變成『金身』，即係一般攻擊好似射箭咁都係扣佢勁少。如果要破其『金身』就要用炸彈！所以炸彈好重要，有埋傳說之『猫頭』就更加好。想當年整個『猫頭』係黎配合雙刀單殺『老山龍』，估到最後大佬都要用番佢。

有炸彈其實未夠，要破佢『金身』起碼要用二十個炸彈。所以套甲一定要有埋『鍊金術』。呢個問題，加珠就可以。

對付『祖龍』令一屬性亦好緊要，呢個就係『高耳』。有『高耳』可以大大減低比佢大叫後硬直而屈死既情況。我就選擇用『蒼火裝』，因為用佢好易就砌到『高耳』出黎。橫掂都係，頭既部份我就用番『蒼火劍頭』。

『武器』

唔洗講咁多，一把霸弓已經夠！如果用其他弓都OK，不過一定要起碼有一洞比你加珠。

『珠』

秘術珠 X 5
防音珠 X 3

『其他用品』

強走同埋合成炸彈既基材一定要有！唔好忘記家下有『鍊金術』可以拎多d 材料去合成炸彈。

『打法』

一開波咩都唔洗理，勁用『level 2 連射』去射佢個龍。記住所以黑龍系弱點都係頭。打唔到頭就『盲射』佢隻腳個位。打大約十幾分鐘就會見到佢可以『金身』，見佢心口會有電就知。果時開始就可以用炸彈。佢破『金身』之時就差唔多死。

消滅埋隻『祖龍』後，mhp2 生涯可以話係正式完結。

期待月尾 mhp2g 推出時既新怪獸，新戰鬥！