929

早過排係戲院上映果時無去睇，家下出左dvd 終於有機會睇番。

講番套戲，『屍城30夜』係改自外國同名漫畫。故事backgound既設定都幾有趣。跟據故事所講係阿拉斯加最北面有一個小鎮，每年冬天都會有一個月既時間係無白日只有黑夜【現實係咪真就唔知】。就係太陽落山之後無幾耐，小鎮就受到一群彊屍所攻擊……..

制作方面算係低成本。演員都唔算係太出名，最出名既應該係男主角 Josh Hartnett。Josh Hartnett 之前演出過唔少大制作，好似『Pearl Harbor 』『Black Hawk Down』『Sin City 』等等。雖然係低成本制作，但制作特技方面都算認真。小鎮在大風雪中顯得異常冷清及絕望，彊屍做型亦見恐怖。

全片景唔多，黎黎去去都係個小鎮到。但「小鎮」+「大風雪」+「彊屍」拍出黎之後效果奇好，節奏流暢緊張。

雖然結局感覺就一般，但overall都算好睇。身為恐怖、驚嚇、彊屍片既fans基本上都無咩理由唔睇呢套『屍城30夜』。