929

一向以黎陳可辛都係拍一d 現代人愛情故事比較多，好似之前有『風塵三俠』『金枝玉葉』『甜蜜蜜』而近期亦有『如果·愛』等。重來都無諗過原來佢拍古代戰爭片都同樣咁出色，『投名壯』就係一個好好既例子。

『投名壯』原名叫『刺馬』。跟據陳可辛所講其實『投名壯』既意念係來自張徹既『刺馬』同埋吳宇森既『英雄本色』。

基本上全片可以話係無咩冷場。幾場戲如頭兩次『擒賊擒王』戰役，中段 劉德華睇摺子戲以及尾段 李連杰上京等都拍得十分精彩。演員方面水準更加係唔需要多講。另外，亦証明千軍萬馬場面唔一定係外國先拍得好既。

希望更多本地導演可以拍多d好戲，一洗已往八九十年代港產爛片劣風。