929

上週六終於睇左話題作『末世凶煞 Cloverfield』。未睇之前都知道好多人對呢套既評價好壞參半。有人睇到一半已經離場，有人亦話好睇。我覺得睇戲既野其實都好個人既。不過有一樣野可以肯定就係如果你有睇『死亡習作 Blair Witch Project』都覺得好頭暈既話，我就建議你唔好睇『末世凶煞』。

買ticket果時戲院已經有指示提醒觀眾睇呢套戲可能會頭暈。何解？因為其實『末世凶煞』全片都係由主觀鏡頭(Handheld Camera)去表達。用 Handheld Camera 拍攝可以話比較獨特既地方。但有個壞處就係唔係個個都頂得順，由其係頭十幾分鐘問題異常嚴重。唔計呢個point而你又接受到既都幾特別既。

另外，好多人覺得開頭十幾分鐘好無聊，其實又唔係既。我覺得全片中心其實唔係主要講打怪獸，而係男女角間既感情(titanic?)。如果你咁諗佢開頭果十幾分鐘既『戲』就有必要。亦都有人唔滿意好多野都交代得唔清楚，例如隻怪邊到黎，最尾其實係點樣等等。都係果樣，個focus唔係隻『野』到。同埋如果跟番個故事(主角們既角度) 黎講，果一刻實在發生得太快。大家都唔知咩事就已經打到黎，所以好多野都解釋唔到係正常。

其他關於『末世凶煞』既野…..

呢套戲無左opening credits

呢套戲無配樂

『迷 lost』『職業特工隊 3 mission impossible』既創作人以及導演 J.J. Abrams 參與幕後

有幾場d軍隊居然會突然出現(有tank有士兵)，而出現之前環境係出奇地安靜

女主角『beth』Odette Yustman 都幾靚

部手提攝錄機 點攪都唔會壞

隻怪獸其實唔係黎自外太空……

總括黎講，如果你接受到佢個表達方法而又唔會頭暈，相信你都會睇得幾投入。用第一身去睇，壓迫感其實真係大好多。最後大家如果有興趣想知多d關於呢套戲既野，例如隻怪邊到黎等可以睇睇以下既文章。

再談末世凶煞

另一文章都亦有提到『末世凶煞 2』既消息

《末世凶煞》要嚟多次？