929

正所謂13不祥，睇到片名叫『The Thirteen Floor』你又會聯想到d咩呢？鬼片？恐怖片？如果望埋下面張poster，你就知道其實呢套係一套科幻片。

故事係講主角和其拍檔研究左一套虛擬系統。只要你進入呢套系統後，就可以回去1937年洛杉磯。就當該系統將近完成時，佢拍檔就發現被謀殺。而一切証據都指向主角就係個殺手。主角唯一線索就係拍檔死前曾經用過虛擬系統番左去1937年既洛杉磯，因此佢決定番去找尋真相…….

『The Thirteen Floor』無咩大cast，特技效果又唔係話好強(絕對唔係高成本制作)。但其實整體黎講可以話係拍得相當唔錯，演員演出亦精彩。主角穿梭於虛實世界之間希望可以搵到真相，解迷驚險懸疑元素全部都有齊。氣氛好好，ending方面我都幾鐘意。世界中有世界，人類何其渺小？到底邊個先至係命運既操縱者呢？雖然套戲唔係咁出名，但其實我個人認為足夠同『matrix』『dark city』等齊名。如果你都鐘意睇以上兩套片既話，我相信你都會鐘意『The Thirteen Floor』。

其實一套好既科幻片，都唔一定要有好華麗既特技效果先至叫做好睇。我覺得家下好多所謂 sci-fi 電影都係太遍向於特技既使用，而忘記左故事性亦都係好重要。