929

當初『門徒』係戲院上影時，自己對呢套電影興趣不大。後來見出左dvd就即管睇下，原來都幾好睇。演員方面除左幾個standard大cast 好似劉德華，吳彥祖，古天樂等仲有好耐都未拍過戲既袁詠儀。另外，身為導演同編劇既 爾冬陞都有份參與演出。

故事方面其實都無咩新意，臥底『吳彥祖』混入大毒梟『劉德華』身邊以求將其繩之於法。橋段雖然老土但拍得幾好睇。全片首尾呼應 highlight左『毒品還是空虛恐怖？』呢個主題，再由幾個人物故事去帶出毒品既禍害。全片有幾場戲都拍得幾好，當中最有驚喜既可以話係 廖啟智飾演海關中場殺入果part，簡直係全片高潮之一。片尾正邪兩角洗手間價值觀對話有意思，而結局主角為天真無邪力量所救亦見光明(叫做平衡番幾個要角既悲慘下場)。

除左廖啟智，其他演員同樣演得出色。劉德華破格飾演反派做得幾好。雖然佢比較少做呢類角色，但都演繹得幾有力。古天樂更加一改平時既型男mr. cool 型像，飾演極樣衰+衰格『道友』一名。比起以上兩位 吳彥祖表現較為一般。

爾冬陞上次一套『旺角黑夜』叫好叫坐，今次『門徒』都拍得幾好。期待下套作品！