今次介紹一套經典漫畫 – 望月峰太郎老師既 『末日』。有d人會將末日同『漂流教室』去作比較，因為兩者都屬於描寫災難性既漫畫。未睇末日之前，自己十分鐘意漂流教室呢套漫畫。『漂流教室』入面描寫主角同其母親之間既感情，作者對未來環境既啟示(如未來到處都見到膠袋等環保問題)都描繪得好震撼。記得果時睇 漂流教室 更加係印象深刻。

eod.jpg

某日無意間見到『末日』呢套漫畫。果時只係知道『末日』都係屬於災難故事，所以就抱住不妨一試既心態去睇。故事係講主角坐既火車因為某原因係隧道發生意外，得番幾條友生還。一方面主角要面對求生問題，另一方面又要查出意外原因……原先諗住又係隧道困獸鬥橋段，點知原來出左隧道先係故事開始！

睇完第一期之後已經停唔到手。故事緊張，刻劃人性方面某情度比『漂流教室』更好。如果要講兩者之間既分別，我會覺得『漂流教室』說教元素會比『末日』多。但論娛樂性同埋描繪人性黑暗面都絕對比『漂流教室』有過之而無不及，而我自己亦十分鐘意個結局。

一套十期，誠意推介！

電騾下載
《末日》(Dragon Head)[漫画][10本完]

在線觀看
連結一
連結二