929

自己一向都鐘意睇一d 三十至六十年代既黑幫電影，所以幾個月之前當天堂口上影時都有留意呢套戲。加上又有吴宇森做監制，同埋cast都幾好例如有張震、舒淇、劉燁、吳彥祖等好演員參與演出。

睇完之後覺得其實天堂口可以話係上海灘版既喋血街頭。情同手足好兄弟為名利變成敵人，故事方面都expect到所以無咩驚喜。同埋好似去得太快好多野都無交代到。不過好在仲有一班有實力既演員係到坐陣。

張震同劉燁分別飾演冷血殺手同埋反派可以話係入型入格。張震型到無得再型，而劉燁出奇地做老粗都做得幾好。反而吳彥祖表現就真係一般，戲中又係做番大好人一名。角色欠缺發揮空間，我都係鐘意吳彥祖多年前係 知法犯法入面既演出。

套戲唔夠喋血街頭震撼，overall黎講一般啦。